11 მარტს ლონდონში- სამეფო აზიური საზოგადოების მთავარ დარბაზში, საქართველოსა და ბრიტანეთს შორის შეტანილი განსაკუთრებული სამეცნიერო წვლილისათვის ვერცხლის მოოქრული მედლით დაჯილდოვდა სამეფო აზიური საზოგადოების დირექტორი ალისონ ოტა დამსწრე საზოგადოებას სიტყვით მიმართა დიდი ბრიტანეთისა და ირლანდიის სამეფო აზიური საზოგადოების პრეზიდენტმა - რობერტ პიბოდმა. აქვე საქართველოს ხელოვნების სასახლე-კულტურის ისტორიის მუზეუმის სამეცნიერო ცხოვრებაში მნიშვნელოვანი მოვლენა აღინიშნა. საგამომცემლო სახლის "სეზანის" მხარდაჭერით დაბეჭდილი გიორგი კალანდიას წიგნის " უორდროპები და საქართველო"-ს პრეზენტაცია გაიმართა. აქვე უორდროპებისადმი მიძღვნილი ფილმის ჩვენებაც გაიმართა. ღონისძიება კულტურის სამინისტროსა და მწერალთა სახლის მხარდაჭერით ჩატარდა. საქართველოს სამეფო აზიური საზოგადოება უკვე ერთი წელია არსებობს და ის ინგლისისა და საქართველოს სამეცნიერო წრეებს შორის ურთიერთობების გაღრმავებას ემსახურება.